|
|
 |
| 首頁 Home | 電影 Films | 評論 Opinions | 戲院 Cinemas | 資訊 Information | 網站地圖 Site Map |
首頁 ->
電影 -> 香港每年上映電影
->
Home -> Films ->
Films Released in Hong Kong by Year ->
| 開畫日期 Release Date | ||
| 片長（分鐘） Running Time (Min.) | ||
| 級別 Category | ||
| 上映戲院（首週） Cinema Line-Up (First Week) |
迪士尼《搞鬼甲蟲車》全新型號仲夏震撼抵港
Stephy鄧麗欣落力聲演 全城為阿咇歡呼打氣
這個夏天，迪士尼旋風席捲香港！香港迪士尼樂園即將於9月12日隆重開幕，為慶祝這項舉世矚目的盛事，另一股迪士尼熱潮將在這個重大日子來臨之前，率先入侵香港，勢必成為全城熱話！華特迪士尼暑期鉅獻《搞鬼甲蟲車》即將於仲夏矚目登場，這輛瘋魔全城的白色甲蟲車，不但轟動整個車壇，更會衝出賽車場、躍現大銀幕，全球掀起甲蟲車熱潮！《搞鬼甲蟲車》將於8月駛達香港，加上邀得更加邀得本地人氣紅星Stephy鄧麗欣為電影配音，全城期待指數倍增，實行率先預祝香港迪士尼樂園隆重開幕，一眾車迷、影迷熱切期待！
「阿咇」強勢宣傅浪接浪 圖破健力士世界紀錄
這齣集驚險刺激與搞鬼過癮於一身的特技喜劇鉅獻，全片充滿過癮搞鬼的爆笑特技，以及緊張萬分的賽車場面，更有荷里活小天后蓮莎露夏恩(Lindsay Lohan)助陣，一於全城為《搞鬼甲蟲車》打氣歡呼！《搞鬼甲蟲車》鋪天蓋地的宣傳攻勢一浪接一浪，第一擊是在美國舉行「福士車隊大巡遊」，由《搞鬼甲蟲車》主角阿咇率領超過200輛福士汽車，展開為期4星期的巡遊大行動！聲勢浩大的「福士車隊」，日前於美國加州Santa Monica碼頭浩浩蕩蕩出發，並即將橫越美國逾60個城市，壯觀場面難得一見！緊接於7月中，福士汽車公司將於德國禾夫斯堡總部，聚集超過3000輛甲蟲車，希望能夠在這個甲蟲車誕生地，打破健力士世界紀錄！
《搞鬼甲蟲車》震撼現身 熱鬥一級賽車場！
搞鬼甲蟲車名震江湖，美少女獨具慧眼，佢哋兩個一拍即合，組成最佳拍檔，齊齊風馳電掣翻天覆地，誓要玩到盡笑到癲，世界車壇從此風起雲湧！
蓮莎露夏恩飾演剛於大學畢業的瑪姬(Stephy鄧麗欣 聲演)，夢想成為出色賽車手，在廢車場遇上污糟邋遢的甲蟲車阿咇，見佢狀甚可憐，於是好心收留，幫佢改頭換面，點知發現阿咇原來有思想有主見，更擁有強勁魔法，佢不但蠱惑鬼馬，仲識得見招拆招！佢哋兩個誤打誤撞，居然能夠成功闖入超級賽車大賽，與世界級一流賽車手決一高下！賽車場上的熱鬥火拚一觸即發……
「阿咇」檔案小百科
姓名：阿咇 Herbie
出生日期：1963年
誕生地：德國
外貌：珍珠白流線外殼
配以搶鏡紅、藍直間
加上醒目大字「53」
威水賣點：
擁有無邊法力，能人所不能
時速高達200英里！
獨家直擊「阿咇」搞鬼身世
究竟阿咇係何方神聖，能夠成為「福士車隊」的頭號首領？單看迪士尼不惜工本，為阿咇舉行這個穿州過省的盛大巡遊活動，就知道它是非一般的甲蟲車！現在立即為你獨家採訪《搞鬼甲蟲車》阿咇，隆重介紹阿咇最與眾不同的「七項全能」！
「阿咇」七項全能逐樣睇
1. 勁犀利魔法
我外形得意趣緻、的的骰骰，但其實係一架「非一般」甲蟲車，我擁有凌厲無比嘅超能力，飛天遁地、攀山涉水、凌空飛車、空中滑翔一律難我唔到，見車過車、爬頭掟彎話都冇咁易，我最後更會衝鋒陷陣，殺入超級賽車大賽，同其他型車靚車鬥快鬥勁鬥搶鏡！
2. 勁八卦媒人
我最鍾意就係見到「有情人終成眷屬」，所以做「媒」去撮合別人係我嘅一大興趣！瑪姬係我嘅救命恩人，而家穎又係我嘅形象設計師，佢哋兩個簡直就係天生一對！不過，家穎又怕羞又細膽，偏偏瑪姬又反應遲鈍，既然係咁，我當然要發揮我的八卦本色，竭盡所能去撮合佢哋！
3. 勁大膽追女
見到人哋一雙一對，我咁靚仔又點可以冇女朋友呢？不過唔係人人都襯得起我，佢就唔同啦，呢架2004年全新型號黃色甲蟲車，鮮艷奪目人見人愛，絕對係我嘅「夢中情人」！雖然佢同我嘅年齡有一段距離，但我深信愛情係冇年齡界限，所以我都要勇往直前，將我的魅力發揮至極，追求我嘅終身幸福！衝呀！
4. 勁爆笑性格
我表情多多、古靈精怪，鬼馬諗頭數之不盡，經常自把自為，終日橫衝直撞，失驚無神嚇你一個措手不及！我識笑識叫識單眼，最叻就係氹人開心，成日喺出奇不意嘅地方出現！走性格派路線嘅我，唔會聽人點，咩都包拗頸，所以你千祈唔好得罪我，否則我一定會十倍整蠱返你，所有車門、車頭蓋統統都係殺害力武器，蠱惑招數變化多端，你估都估唔到！
5. 勁百變形象
我總共有多達36個造型，形象百變，於不同場合唔同時就會變身，包括滿身鐵銹仍然可以突圍而出的「隱藏版」、由街頭威到街尾的有型有款「街頭版」、被大貨車撞到甩皮甩骨依舊可逃出生天的「勁撞版」，同埋最醒賽車裝置一應俱全的氣勢十足「戰鬥版」，4大種類我話變就變！
6. 勁傳奇身份
我貴為叱吒車壇的風雲人物，曾經於賽車場上風光一時，背後的故事自然充滿傳奇色彩，市面有關我嘅傳聞多不勝數，早前就有傳我阿咇曾經神秘失蹤，放棄賽車理想，隱姓埋名，更轉行成為「的士」一份子！日前仲被人目擊我出現喺廢車場，如果我身世唔係咁神秘，又點吸引到大家注意呢？
7. 勁遠大夢想
男兒志在四方，我咁有志氣，梗係要闖一番事業！所以我早就立志要揚威賽車場，贏得NASCAR賽車錦標更加係我嘅終極夢想！但要實現夢想都唔係咁簡單，今次對手超級強勁，全部都係NASCAR一級明星車手，我更會與死敵梅菲再度碰頭，我要一邊防範敵人奸計，一邊應付艱巨賽事！就等我換上最強勁賽車裝備，再施展無邊法力，善用賽車場每一寸空間，定必全力爭取最前列位置，快過閃電極速衝線！
「阿咇」終極之戰大揭秘
NASCAR超級賽車大賽是世界車壇的頂級賽事，與世界一級方程式大賽、INDY方程式錦標賽，以及V8超級房車大賽並駕齊驅，同被譽為國際賽車界的四大盛事！《搞鬼甲蟲車》阿咇同佢嘅最佳拍檔瑪姬幾經艱辛，終於衝出重圍，晉身NASCAR大賽。咪以為阿咇就咁已經心滿意足，佢誓要喺賽車場上發熱發亮，證明自己嘅實力俾全世界睇！
「阿咇」最佳拍檔大公開
講到我嘅成功歷程，就不得不提我嘅最佳拍檔瑪姬
如果冇佢陪我拍住上，我又點可以變身「萬人迷」呢？
姓名：瑪姬 Maggie Peyton (蓮莎露夏恩 飾演)
個性：敢作敢為，有勇有謀，駕駛技術一流！
嗜好：周圍遊車河，四出尋找新刺激！
背景：屋企係賽車世家，夢想成為出色賽車手，但遭到父親強烈反對！瑪姬起初同其他人一樣，睇唔起甲蟲車，只係對改裝賽車有興趣，點知遇上法力強勁嘅阿咇，從此改變咗佢嘅睇法，二人更成為最佳拍檔，揚威世界賽車場！
「靚絕全球、新聞多多」人氣小天后 蓮莎露夏恩 全面解構
戲外真正身份：蓮莎露夏恩 Lindsay Lohan
出生日期：1986年7月2日 誕生地：美國紐約
電影代表作：
1998年《親親兩顆心》(The Parent Trap)
2003年《衰鬼媽咪》(Freaky Friday)
2004年《高校小天后》(Confessions of a Teenage Drama Queen)、2004年《辣妹過招》(Mean Girls)
推出唱片：2004年12月推出首張個人專輯《Speak》
威水賣點：
《搞鬼甲蟲車》誕生之謎大解構
迪士尼暑期鉅獻《搞鬼甲蟲車》能夠矚目誕生，絕對有賴一班勞苦功高的強勁特技班底！由《哈利波特》、《蜘蛛俠》系列頂尖班底合力炮製，創出既得意爆笑又緊張刺激的視覺效果，除了「阿咇」生鬼過癮的一舉一動外，電影更有大量驚險情節，保證觀眾能夠極盡視聽之娛！以下就係《搞鬼甲蟲車》的創作全紀錄！
工作人員穿州過省尋車記 原裝「阿咇」再現大銀幕
《搞鬼甲蟲車》阿咇有多達36個造型，並分為隱藏版、街頭版、勁撞版、戰鬥版四大種類。導演安琪拉羅賓遜(Angela Robinson)表示，戲中的阿咇是一個有生命的角色，必須要有強烈的生活感和現實感，她不希望完全倚靠電腦效果來創造阿咇，所以她決定每逢創製一個新造型，均需要出動一部真正的甲蟲車，換言之，整部電影總共動用了36架甲蟲車，數量驚人！為了覓得足夠的甲蟲車，工作人員展開了「穿州過省尋車記」，分別到了加州、俄勒岡州、華盛頓、猶他、新墨西哥州、內華達州等地搜刮不同款式的甲蟲車。
一眾甲蟲車之中最特別的，就是曾於《神仙車》電影系列擔綱演出的「原裝正版」阿咇！工作人員從網上獲知如假包換的阿咇正身在俄亥俄州，立即漏夜前往當地與阿咇主人會面。
該名車主對阿咇愛護有加，不但將阿咇保存得完好無缺，更為阿咇裝置了最新的高性能引擎及變速系統。車主起初並不願意割愛，最終給工作人員誠意打動，答允讓阿咇再次登上大銀幕！身為「甲蟲狂迷」的車主，更仗義借出另一架1963年出產的紅色開篷甲蟲車予電影公司，這輛甲蟲車最後化身為其中一架「街頭版」阿咇！
安裝遙控機械裝置 真車變身「阿咇」飛天遁地
《搞鬼甲蟲車》嘅阿咇成日都蠱蠱惑惑，做勁多古靈精怪嘅動作表情引人注意，不論係金雞獨立、後空翻、前滾翻等等對佢嚟講都係小兒科！由於片中大多高難度動作均由一眾甲蟲車親身上陣，反而電腦效果只佔少部份，這絕對是一項新嘗試和新挑戰！究竟工作人員如何將一部真車變成有思想、有法力、有生命嘅阿咇？
要創造出一架識飛天遁地、橫衝直撞的甲蟲車，除了「吊威吔」外，工作人員更必須在車上各部份安裝不同的遙控機械裝置，令汽車所有機件可以自動運作，才可以將一架普通汽車變成一個識行識郁的巨型機械人。首先，工作人員在全車裝上無線電遙控電線，令車門及車頭蓋可以自動開合；再在車門及車軚安裝遙控模型專用的伺服機，這樣阿咇就可以傾側一邊「單腳企」；另外還要替汽車裝置小型摩打，令阿咇的水撥和天線能夠隨他的心情左搖右擺。一切裝置安裝妥當，加上不同的造型設計，阿咇就大功告成！
NASCAR實車現場實景拍攝 一級賽車明星電影亮相
阿咇熱鬥NASCAR賽車場正是整套電影的焦點所在，《搞鬼甲蟲車》幕前幕後更勇闖NASCAR比賽現場，實行現場實景拍攝，真實感十足！NASCAR每年吸引超過1.5億擁躉到現場為車手打氣，車手往往以時速200英里以上完成500英里的賽程，刺激程度可想而知！要在瞬息萬變的賽車現場取景，工作人員絕對要做足功課，才可在不影響比賽過程的情況下，順利完成拍攝！
《搞鬼甲蟲車》製作隊伍於2004年9月5日來到NASCAR Nextel Cup第25站──Pop Secret 500比賽現場進行拍攝，當日共有超過10萬現場觀眾，所以保安工作份外嚴厲。劇組人員於比賽前數日已在賽道上安裝路軌，以及在場內裝上23部攝錄器，而阿咇身上亦設有內置攝錄機，全面捕捉阿咇於賽車場上的風采！有關方面再將另外9部攝錄器裝在圓形鋼架上，360度全景拍攝阿咇的比賽情況！工作人員更特地「創造」了一幕「遙控炒車」，將一部無人駕駛的汽車以時速110英里撞向石壆，一眾賽車手都大讚這一幕與真正撞車場面相似度達100%！
阿咇親自出征賽車場實在難得一見，不少NASCAR賽車手如Jeff Gordon、Jimmie Johnson、Kevin Harvick、Rusty Wallace、Casey Mears、Jamie McMurray等等均圍著阿咇不放，爭取與他合照，這班一級賽車明星更會齊齊現身《搞鬼甲蟲車》，大家一定要密切留意！
8月4日 咇咇登場 玩轉全城！
註：以上資訊由片主或其推廣代表提供。本網並不保證此等資訊是否正確。
Note: The information above is provided by the owners of the film or their agents
who are responsible for the promotion of the film. We do not guarantee the accuracy
of such information.
相關連結 Related Links
|
Copyright(C)
1999-2011 Hong Kong Internet Ventures. All rights reserved.
|