| 首頁 Home | 電影 Films | 評論 Opinions | 戲院 Cinemas | 資訊 Information | 網站地圖 Site Map

首頁 -> 電影 -> 香港每年上映電影 ->
Home -> Films -> Films Released in Hong Kong by Year ->

「 她 不 再 豬 了 ！ 」

翻 身 前		翻 身 後

全 美 超 賣 座 " 豬 扒 大 翻 身 " 爆 笑 喜 劇
票 房 勁 收 逾 億 美 元 　 美 國 觀 眾 口 碑 熱 賣 ！
〈 風 月 俏 佳 人 〉 〈 走 佬 俏 佳 人 〉 皇 牌 導 演 加 利 馬 素 Garry Marshall

〈 風 月 俏 佳 人 〉 〈 走 佬 俏 佳 人 〉 幕 前 幕 後 精 英 雲 集

豬 扒 代 序

豬 扒 之 傳 說

豬 扒 一 詞 ， 出 處 不 明 ， 至 今 已 由 當 初 嘲 笑 體 形 較 「 豬 」 之 女 性 ， 進 化 為 泛 指 唔 靚 唔 索 之 年 輕 少 女 ， 而 且 更 有 跡 象 顯 示 一 般 男 性 及 「 非 豬 扒 」 對 此 詞 愈 來 愈 喜 愛 、 愈 講 愈 過 癮 。 但 ， 各 位 又 是 否 了 解 豬 扒 的 內 心 痛 苦 ， 我 們 又 能 否 嚐 試 給 她 們 翻 身 機 會 ？

豬 扒 之 苦

• 豬 扒 最 慘 就 係 真 真 正 正 咁 俾 人 當 成 一 塊 豬 扒 ， 如 同 死 物 ， 除 了 平 日 冇 人 埋 身 之 外 ， 就 算 你 放 低 自 己 係 豬 扒 �� 身 份 豁 出 去 ， 就 只 會 見 到 人 見 人 閃 �� 大 逃 亡 場 面 。
• 聽 見 人 家 談 戀 愛 化 妝 扮 靚 呢 �� 屬 自 命 靚 靚 一 族 �� 話 題 ， 更 唔 可 以 主 動 行 埋 去 參 與 ， 否 則 別 人 因 你 而 「 散 會 」 就 仲 無 癮 兼 得 罪 人 。
• 全 世 界 都 知 豬 扒 好 多 時 天 生 非 自 願 ， 但 無 奈 歧 視 眼 光 卻 銳 利 如 刀 割 ， 俾 人 細 聲 講 大 聲 笑 ； 好 多 時 仲 會 有 劣 質 待 遇 ， 買 �� 食 �� 都 冇 咁 好 招 呼 ！
• 飽 受 外 界 壓 力 折 磨 ， 對 自 己 信 心 全 失 ， 連 暗 戀 同 學 仔 都 冇 膽 開 聲 ， 孤 獨 一 生 。
• 最 慘 係 所 謂 物 以 類 聚 ， 一 班 唔 爭 氣 �� 豬 扒 Friend 埋 一 堆 ， 結 果 當 然 係 … …
• 豬 扒 之 慘 況 實 在 未 能 盡 錄 ， 詳 情 可 參 閱 〈 走 佬 俏 公 主 〉 ， 你 將 可 一 一 「 欣 賞 」 到 … …

豬 扒 點 樣 大 翻 身 ？

正 當 大 家 都 以 為 豬 扒 無 藥 可 救 時 ， 身 為 豬 扒 一 份 子 的 〈 走 佬 俏 公 主 〉 女 主 角 杜 美 雅 卻 成 功 翻 身 ， 為 天 下 豬 扒 來 一 次 大 平 反 ， 更 搖 身 一 變 成 為 全 球 少 女 的 夢 想 - 公 主 ！ 佢 翻 身 後 唔 只 大 受 歡 迎 ， 少 女 們 夢 寐 以 求 的 三 角 戀 愛 亦 立 即 來 臨 ！

儀 容

儀 容 乃 豬 扒 致 命 傷 ， 現 今 科 技 發 達 ， 無 需 整 容 亦 可 令 外 表 靚 靚 ， 像 杜 美 雅 一 樣 ， 先 擺 平 一 個 「 趕 客 」 之 掃 把 頭 ， 戴 個 隱 形 眼 鏡 ， 修 修 眉 、 化 化 妝 ， 又 或 是 美 白 去 斑 一 番 ， 好 好 多 ！ 再 選 些 適 合 自 己 的 衣 服 裝 飾 ， 取 長 補 短 ， 包 掂 ！

行 為

先 自 我 檢 討 ， 係 豬 扒 唔 緊 要 ， 但 你 仲 要 鍾 意 大 笑 大 叫 講 �� 又 零 舍 大 聲 ， 死 梗 ！ 小 心 �� ， 細 心 �� ， 咪 學 杜 美 雅 咁 成 日 撞 板 ， 損 手 爛 腳 又 得 罪 人 ！

態 度

心 ， 係 翻 身 最 重 要 一 環 ， 若 你 自 暴 自 棄 ， 一 定 永 不 超 生 ； 片 中 杜 美 雅 外 表 行 為 都 成 功 變 身 ， 但 內 心 始 終 未 能 真 正 翻 身 ， 她 遇 到 什 麼 難 題 ？

• 你 今 日 成 功 翻 身 ， 但 當 日 的 豬 扒 好 朋 友 卻 一 如 以 往 ， 妒 忌 爭 拗 吃 醋 難 免 出 現 ， 令 你 進 退 兩 難 ， 話 冇 變 都 冇 人 信 ！
• 靚 女 多 人 追 ， 你 會 選 擇 還 是 豬 扒 時 已 喜 歡 你 的 男 孩 ， 還 是 一 個 見 你 靚 先 追 你 ， 但 卻 是 你 朝 思 暮 想 ， 夢 想 中 的 白 馬 王 子 ？

〈 走 佬 俏 公 主 〉 中 的 杜 美 雅 翻 身 前 烏 龍 百 出 ， 翻 身 期 間 笑 話 連 場 ， 翻 身 後 卻 面 對 種 種 意 想 不 到 的 難 題 ， 她 究 竟 如 何 解 決 ？ 佢 ， 竟 然 選 擇 … …

票 房 強 勁 　 開 拍 續 集

〈 風 月 俏 佳 人 〉 〈 走 佬 俏 佳 人 〉 皇 牌 導 演 加 利 馬 素 （ Garry Marshall ） 最 新 喜 劇 〈 走 佬 俏 公 主 〉 早 前 在 美 國 上 畫 即 取 得 出 乎 意 料 的 佳 績 ， 至 今 已 超 逾 一 億 美 元 票 房 ， 電 影 公 司 不 但 對 成 績 非 常 滿 意 ， 最 新 發 佈 消 息 是 - 立 即 動 用 原 班 人 馬 開 拍 〈 走 佬 俏 公 主 〉 續 集 ， 劇 本 亦 已 在 籌 備 當 中 ！ 大 導 演 加 利 馬 素 更 是 電 影 生 涯 中 首 次 答 應 接 拍 續 集 電 影 ， 可 見 加 利 馬 素 對 〈 走 佬 俏 公 主 〉 的 確 是 情 有 獨 鍾 。

加 利 馬 素 在 接 拍 〈 走 佬 俏 公 主 〉 前 發 生 名 了 一 件 爆 笑 小 風 波 ， 令 他 幾 乎 拍 不 成 這 部 喜 劇 。 「 起 初 我 差 點 不 想 接 拍 〈 走 佬 俏 公 主 〉 （ " The Princess Diaries " ） ， 因 為 劇 本 封 面 上 打 錯 字 ， 戲 名 印 著 " The Princess Dairies " （ 公 主 的 牛 奶 場 ） ， 我 一 看 以 為 是 關 於 一 群 有 皇 室 特 權 的 牛 ！ 」 加 利 馬 素 大 笑 。

力 邀 影 后 復 出 　 力 捧 「 茱 莉 亞 羅 拔 絲 」 接 班 人

在 發 現 這 不 是 一 套 「 牛 」 片 之 後 ， 加 利 立 即 開 始 選 角 ， 首 先 是 重 金 禮 聘 請 來 殿 堂 級 女 星 〈 仙 樂 飄 飄 處 處 聞 〉 〈 歡 樂 滿 人 間 〉 金 像 影 后 茱 莉 安 德 絲 （ Julie Andrews ） ， 原 來 加 利 馬 素 是 她 的 超 級 擁 躉 ， 當 年 茱 莉 在 紐 約 演 出 〈 窈 窕 淑 女 〉 舞 台 劇 時 ， 由 於 男 孩 子 穿 著 軍 服 可 免 費 入 場 ， 加 利 便 前 前 後 後 欣 賞 了 11 次 之 多 ！ 今 次 茱 莉 安 德 絲 肯 久 休 復 出 飾 演 皇 后 一 角 可 謂 十 分 「 俾 面 」 ， 原 來 她 本 身 非 常 喜 歡 加 利 馬 素 的 電 影 ， 覺 得 他 的 影 片 能 將 言 語 幽 默 與 動 態 喜 劇 （ physical comedy ） 溶 匯 ， 讓 她 有 很 多 發 揮 機 會 ， 過 足 戲 癮 ， 而 當 今 影 壇 中 亦 唯 有 茱 莉 能 將 皇 后 一 角 的 氣 派 風 采 演 繹 得 淋 漓 盡 致 ！

繼 十 年 前 的 茱 莉 亞 羅 拔 絲 後 ， 加 利 馬 素 再 次 發 掘 新 人 ， 女 主 角 安 妮 夏 菲 維 （ Anne Hathaway ） 便 是 他 千 挑 萬 選 出 來 的 天 之 嬌 女 ， 能 被 加 利 馬 素 及 荷 里 活 影 壇 譽 為 「 茱 莉 亞 羅 拔 絲 」 及 「 柯 德 莉 夏 萍 」 接 班 人 ， 安 妮 夏 菲 維 當 然 有 過 人 之 處 ， 除 了 氣 質 萬 中 無 一 ， 其 抵 死 表 情 搞 鬼 動 作 更 令 加 利 馬 素 及 茱 莉 安 德 絲 都 禁 不 住 大 讚 ： 「 她 的 燦 爛 笑 容 感 染 力 很 強 ， 令 片 場 每 天 都 充 滿 朝 氣 ， 她 是 一 個 好 得 令 人 吃 驚 的 動 態 喜 劇 演 員 ！ 」

早 前 親 身 來 港 宣 傳 的 曼 迪 摩 亞 （ Mandy Moore ） 相 信 年 青 一 輩 無 人 不 曉 ， 作 為 樂 壇 小 天 后 Britney Spears 的 頭 號 勁 敵 ， 曼 迪 今 次 首 登 大 銀 幕 增 加 其 競 爭 本 錢 ， 更 會 在 戲 中 高 歌 一 曲 ， 實 行 大 舉 出 擊 力 憾 Britney ！ 另 一 男 配 角 光 頭 叔 叔 克 達 伊 利 桑 杜 （ Hector Elizondo ） 大 家 一 定 會 覺 得 很 面 善 ， 因 為 他 是 所 有 加 利 馬 素 電 影 的 「 必 然 正 選 」 ， 每 次 都 飾 演 協 助 女 主 角 的 一 個 好 人 ， 形 象 討 好 深 受 觀 眾 歡 迎 ！ 如 此 強 勁 班 底 ， 難 怪 〈 走 佬 俏 公 主 〉 在 暑 假 末 都 能 大 收 旺 場 ！

影 評 觀 眾 至 愛

〈 走 佬 俏 公 主 〉 被 美 國 權 威 電 影 觀 眾 評 分 榜 (Cinema Score) 評 為 A 級 ， 由 於 電 影 風 趣 爆 笑 ， 適 合 每 個 層 面 觀 眾 欣 賞 ， 所 以 無 論 由 二 十 一 歲 以 下 至 三 十 五 歲 以 上 的 觀 眾 ， 都 給 它 A 級 的 評 價 ， 而 各 大 美 國 影 評 亦 給 予 影 片 上 佳 的 評 價 ：

「 又 靚 又 有 型 的 喜 劇 ， 加 利 馬 素 延 續 〈 風 月 俏 佳 人 〉 獨 特 魅 力 之 作 ， 將 觀 眾 深 深 吸 引 ； 茱 莉 安 德 絲 和 可 愛 的 安 妮 夏 菲 維 令 人 無 法 抵 擋 ！ 」 - 洛 杉 磯 時 報

「 〈 走 佬 俏 公 主 〉 討 得 所 有 年 齡 女 孩 子 的 歡 心 ， 是 一 套 她 們 期 待 了 整 個 暑 假 的 電 影 。 」 - USA Today

「 散 發 陽 光 魅 力 ， 引 人 注 目 的 安 妮 夏 菲 維 是 加 利 馬 素 繼 茱 莉 亞 羅 拔 絲 後 最 重 大 發 現 。 」 - 美 聯 社

最 華 麗 服 裝 最 明 貴 首 飾

〈 走 佬 俏 公 主 〉 由 金 像 名 片 〈 別 問 我 是 誰 〉 及 〈 心 計 〉 的 服 裝 大 師 加 利 鍾 士 （ Gary Jones ） 為 電 影 設 計 一 系 列 服 飾 ， 片 中 一 場 壓 軸 盛 大 皇 室 舞 會 更 是 華 麗 絕 倫 ： 「 當 加 利 馬 素 邀 請 我 參 與 時 ， 我 就 知 道 他 幫 我 實 現 了 一 個 服 裝 師 的 夢 想 ， 舞 會 中 茱 莉 安 德 絲 和 公 主 穿 上 禮 服 後 令 衣 服 漂 亮 了 300 倍 ！ 」 有 皇 室 ， 一 定 少 不 了 珠 寶 ， 片 中 辛 苦 借 來 ， 由 茱 莉 安 德 絲 戴 上 最 明 貴 的 一 條 的 頸 鍊 就 由 一 百 卡 鑽 石 造 成 ， 昂 貴 非 常 ， 場 內 場 外 都 有 保 安 員 嚴 密 看 管 ， 再 加 上 無 數 白 金 及 鑽 石 首 飾 裝 潢 ， 可 說 是 電 影 最 精 彩 一 幕 ！

故 事 大 綱

豬 扒 學 生 妹 杜 美 雅 （ 安 妮 夏 菲 維 飾 ） 本 為 毫 不 起 眼 的 15 歲 平 凡 少 女 ， 時 常 被 人 玩 兼 當 佢 透 明 ， 美 雅 亦 已 接 受 現 實 甘 願 成 為 「 終 極 豬 扒 」 。 某 日 ， 素 未 謀 面 的 祖 母 嘉 莎 （ 茱 莉 安 德 絲 飾 ） 突 然 到 訪 ， 並 表 露 自 己 的 真 正 身 份 為 歐 洲 小 國 珍 魯 維 亞 的 皇 后 ， 而 美 雅 就 是 該 國 的 公 主 兼 皇 位 繼 承 人 ！ 嘉 莎 欲 安 排 美 雅 返 國 成 為 「 全 職 公 主 」 ， 但 過 慣 豬 扒 生 活 的 美 雅 非 常 抗 拒 一 口 拒 絕 ， 嘉 莎 唯 有 要 求 她 先 參 加 「 公 主 速 成 班 」 來 個 「 豬 扒 大 翻 身 」 ！

不 過 ， 烏 龍 騎 呢 的 美 雅 除 了 粗 魯 大 意 不 停 撞 板 ， 其 掃 把 頭 加 粗 眉 大 眼 鏡 更 考 起 美 容 專 家 ， 爆 出 連 場 笑 話 兼 「 失 禮 街 坊 」 ， 令 嘉 莎 大 為 頭 痛 。 終 於 在 眾 多 專 家 協 助 下 ， 美 雅 搖 身 一 變 皇 室 俏 佳 人 ， 除 了 令 同 學 好 友 嘩 然 更 引 來 狂 蜂 浪 蝶 ， 此 舉 惹 來 校 內 風 頭 躉 蘭 娜 （ 曼 迪 摩 亞 飾 ） 妒 忌 並 設 計 陷 害 ， 令 美 雅 身 份 曝 光 大 出 洋 相 ， 美 雅 深 受 傷 害 決 定 做 回 無 名 豬 扒 ， 遂 在 加 冕 典 禮 前 夕 獨 自 「 走 佬 」 … …

10 月 25 日 即 刻 靚 晒 ！

註：以上資訊由片主或其推廣代表提供。本網並不保證此等資訊是否正確。
Note: The information above is provided by the owners of the film or their agents who are responsible for the promotion of the film. We do not guarantee the accuracy of such information.

相關連結 Related Links

• 最近公影電影 Recent, Current, and Upcoming Films